CAS
ການທຳຮ້າຍທາງເພດແມ່ນຫຍັງ?
ການເຂົ້າໃຈວ່າການທຳຮ້າຍທາງເພດແມ່ນ ຫຍັງ ຊ່ວຍໃຫ້ເຮົາຕອບໂຕ້ກັບມັນໄດ້.
ສິດແລະທາງເລືອກຂອງທ່ານຫຼັງຈາກຖືກທຳຮ້າຍທາງເພດເມື່ອໝໍ່ໆນີ້
1800RESPECT
ສິດແລະທາງເລືອກຂອງທ່ານຫຼັງຈາກຖືກທຳຮ້າຍທາງເພດເມື່ອໝໍ່ໆນີ້
ການທຳຮ້າຍທາງເພດແມ່ນກະທຳທາງເພດຫຼືທີ່ເປັນໄປໃນທາງເພດທີ່ເຮັດໃຫ້ຄົນຜູ້ໜຶ່ງຮູ້ສຶກບໍ່ສະບາຍໃຈ, ຖືກຂົ່ມຂູ່ຫຼືຢ້ານກົວ. ແມ່ນຄວາມປະພຶດທີ່ຄົນຜູ້ນັ້ນບໍ່ໄດ້ເຊີນຊວນຫຼືເລືອກເອົາ.
ການທຳຮ້າຍທາງເພດແມ່ນການທຳລາຍຄວາມໄວ້ວາງໃຈແລະເປັນການປະຕິເສດສິດທິຂອງແຕ່ລະບຸກຄົນທີ່ມີສິດກ່ຽວກັບຮ່າງກາຍຂອງຕົນເອງ. ການທຳຮ້າຍທາງເພດແມ່ນການກົດຂີ່ຂົ່ມເຫັງຕໍ່ສິດແລະອຳນາດທີ່ຄົນຜູ້ໜຶ່ງ.
ການທຳຮ້າຍທາງເພດອາດຈະກະທຳຕໍ່ຜູ້ ໃຫຍ່ຫຼືເດັກ, ແມ່ຍິງຫຼືຜູ້ຊາຍ, ແລະຄົນຈາກທຸກ ພື້ນຖານຕ່າງໆ.
ນອກນີ້ ການທຳຮ້າຍທາງເພດອາດຈະເອີ້ນວ່າການຂົ່ມເຫັງທາງເພດຫຼືຄວາມຮຸນແຮງທາງເພດ. ຄຳສັບເຫຼົ່ານີ້ໃຊ້ສຳລັບກ່າວເຖິງການທຳຮ້າຍທາງເພດ, ເຊັ່ນການຂົ່ມຂືນແລະຂົ່ມເຫັງທາງເພດ, ແລະມີຄວາມໝາຍທົ່ວໄປເມື່ອໃຊ້ໃນການສົນທະນາໃນແຕ່ລະວັນແລະມີຄວາມໝາຍສະເພາະເມື່ອໃຊ້ ບັນຍາຍເຖິງການກະທຳຜິດກ່ຽວກັບເພດທາງກົດຫມາຍອາຍາ. ຢູ່ໃນເວັບໄຊທ໌ນີ້, ພວກເຮົາໃຊ້ສັບເຫຼົ່ານີ້ແບບທົ່ວໆໄປເທົ່ານັ້ນ.
ຖ້າທ່ານຄິດວ່າໄດ້ເກີດມີ ການກະທຳຜິດກ່ຽວກັບເພດທາງກົດຫມາຍອາຍາຂຶ້ນແລະທ່ານຢາກຮ້ອງຮຽນ, ທ່ານອາດຢາກຂໍຄວາມຊ່ວຍເຫຼືອເພີ້ມເຕີມ. ທ່ານສາມາດເຮັດໄດ້ໂດຍຕິດຕໍ່ ບໍລິການຊ່ວຍເຫຼືອດ້ານການທຳຮ້າຍທາງເພດຢູ່ໃນເຂດຂອງທ່ານ [ເປັນພາສາອັງກິດ], ຕຳຫຼວດ, ທ່ານໝໍ ຫຼື ທະນາຍຄວາມເອກະຊົນ. ລະຍະເວລາໃນການແຈ້ງກໍສຳຄັນແລະບໍລິການເຫຼົ່ານີ້ສາມາດໃຫ້ຂໍ້ມູນກ່ຽວກັບສິດທິແລະທາງເລືອກຕ່າງໆ.
ການທຳຮ້າຍທາງເພດເກີດຂຶ້ນໄດ້ໃນຫຼາຍຮູບແບບ
ການເຂົ້າໃຈວ່າການທຳຮ້າຍທາງເພດແມ່ນ ຫຍັງຈະຊ່ວຍເຮົາໃຫ້ຮູ້ຈັກຕອບໂຕ້ເມື່ອໝູ່ເພື່ອນ, ຄົນໃນຄອບຄົວຫຼືຜູ້ມາໃຊ້ບໍລິການເປີດເຜີຍວ່າເຂົາເຈົ້າໄດ້ຖືກທຳຮ້າຍ. ຈຸດສຳຄັນຂ້າງລຸ່ມນີ້ຈະໃຫ້ບາງ ຕົວຢ່າງຂອງການທຳຮ້າຍທາງເພດ:
-
ລ່ວງເກີນທາງເພດ.
-
ການຈັບບາຍຫຼືການຈູບທີ່ຄົນນັ້ນບໍ່ປາດຖະໜາ
-
ການກະທຳທາງເພດຫຼືກ່ຽວກັບທາງເພດ ທີ່ຝືນໃຈຫຼືບັງຄັບ, ລວມທັງການກະທຳທີ່ຮຸນແຮງຫຼືເຈັບປວດ.
-
ການເອົາອະໄວຍະວະເພດອອກມາອວດເຊັ່ນ ‘ຈົກຂອງອວດ’.
-
ການຜົກຈອບເບີ່ງ.
-
ມີຄົນຈອບເບິ່ງໂດຍບໍ່ໄດ້ຮັບອະນຸຍາດເມື່ອທ່ານເປືອຍກາຍຫຼືກຳລັງຮ່ວມເພດ.
-
ການເອົາຮູບທາງເພດໄປລົງອິນເຕີແນັດໂດຍບໍ່ໄດ້ຮັບອະນຸຍາດ.
-
ຖືກບັງຄັບຫຼືຝືນໃຈຈາກໃຜຜູ້ໜຶ່ງໃຫ້ເບິ່ງຫຼືເຂົ້າຮ່ວມໃນການຖ່າຍພາບລາມົກອະນາຈານ.
-
ວາງຢາໃສ່ເຄື່ອງດື່ມ, ຫຼືໃຊ້ຢາແລະເຫຼົ້າ, ເພື່ອ ລົດຫລືທຳລາຍກຳລັງຂອງຄົນຜູ້ນື່ງໃນການເລືອກກ່ຽວກັບ ເລື້ອງເພດຫຼືການກະທຳທາງເພດ.
-
ຮ່ວມເພດກັບໃຜຜູ້ໜຶ່ງທີ່ນອນຫຼັບຢູ່, ເມົາເຫຼົ້າ /ເມົາຢາຢ່າງອື່ນຢ່າງໜັກ.
-
ເວົ້າລາມົກ ເວົ້າຕະຫຼົກຫຍາບຄາຍ ຫຼື ການສະແດງ ຮູບກ່ຽວກັບທາງເພດ, ເຊິ່ງເປັນສ່ວນໜຶ່ງຂອງແບບ ຄວາມປະພຶດທີ່ຝືນໃຈຄົນອື່ນ, ຂົ່ມຂູ່ ຫຼື ເອົາປຽບ.
-
ຂົ່ມຂືນ (ການທິ່ມແທງພາກສ່ວນຮ່າງກາຍທີ່ເປັນຮູໂດຍຂອງໃດໆ).
-
ການ ‘ສ້ຽມສອນ’ ໃຫ້ເດັກນ້ອຍຫຼືຄົນທີ່ອ່ອນແອໃຫ້ກະທຳການທາງເພດຢ່າງໃດຢ່າງໜຶ່ງ.
-
ຄວາມປະພຶດທາງເພດໃດໆກັບເດັກນ້ອຍ.
ການທຳຮ້າຍທາງເພດບໍ່ແມ່ນສິ່ງດຽວກັນກັບການມີຄວາມຮູ້ສຶກທາງເພດ. ການທຳຮ້າຍທາງເພດແມ່ນຄວາມປະພຶດທາງເພດທີ່ບໍ່ຕ້ອງການຫຼືການກະທຳທີ່ໃຊ້ການຂົ່ມຂູ່, ຝືນໃຈ ຫຼື ບັງຄັບເພື່ອສະແດງອຳນາດຫຼືປະຕິເສດສິດທິໃນການເລືອກຂອງຄົນໆໜຶ່ງ. ການທຳຮ້າຍແລະຂົ່ມເຫັງທາງເພດອາດແມ່ນເຫດການທີ່ເກີດຂຶ້ນຄັ້ງດຽວ, ຫຼືເປັນພາກສ່ວນ ຂອງຕົວແບບຂອງຄວາມຮຸນແຮງ. ມັນເຮັດໃຫ້ເກີດຜົນກະທົບໄດ້ຫຼາຍຢ່າງ, ລວມທັງຜົນກະທົບທາງຮ່າງກາຍ, ທາງອາລົມແລະຈິດໃຈ.
ຄວາມຈິງກ່ຽວກັບການທຳຮ້າຍທາງເພດ
ນີ້ແມ່ນສິ່ງສຳຄັນບາງຢ່າງທີ່ຄວນຮູ້ກ່ຽວກັບການທຳຮ້າຍທາງເພດ:
-
ການທຳຮ້າຍທາງເພດສ່ວນໃຫຍ່ແມ່ນຜູ້ຊາຍເປັນຜູ້ກະທຳຕໍ່ແມ່ຍິງ.
-
ຜູ້ຊາຍກໍຖືກທຳຮ້າຍທາງເພດເຊັ່ນກັນ; ສ່ວນໃຫຍ່ແມ່ນກະທຳຈາກຜູ້ຊາຍຄົນອື່ນ.
-
ຄົນສ່ວນຫຼາຍທີ່ຖືກທຳຮ້າຍທາງເພດຮູ້ຈັກກັນກັບຜູ້ທຳຮ້າຍ, ຫຼືພົບກັບຄົນໆນັ້ນເມື່ອບໍ່ດົນ.
-
ການທຳຮ້າຍທາງເພດບາງຢ່າງແມ່ນການກະທຳທີ່ຜິດ ກົດຫມາຍອາຍາ.
-
ການແຈ້ງຄວາມຕໍ່ຕຳຫຼວດອາດເປັນການຕັດສິນໃຈທີ່ຍາກ. ຄວາມຈຳກັດໃນລະບົບຍຸຕິທຳຂອງເຮົາ, ແລະວິທີການເກັບກຳຫຼັກຖານອາດເປັນການປະເຊີນໜ້າ.
-
ຄົນທີ່ຖືກທຳຮ້າຍທາງເພດມີປະຕິກິລິຍາແຕກຕ່າງກັນ, ບາງທີກໍສະແດງອອກທາງອາລົມຢ່າງໜັກ, ບາງທີກໍຫຼົບໜ້າຫຼົບຕາຜູ້ຄົນ. ການທີ່ເຮົາເຂົ້າໃຈຄວາມບອບຊ້ຳທີ່ເກີດຈາກຄວາມຮຸນແຮງຕໍ່ມະນຸດດ້ວຍກັນ ຈະຊ່ວຍໃຫ້ເຮົາຕອບໂຕ້ກັບມັນໄດ້ຢ່າງເໝາະສົມ.
-
ການທຳຮ້າຍທາງເພດແມ່ນການເອົາປຽບໂດຍອາໄສຄວາມບໍ່ເທົ່າທຽມທີ່ມີຢູ່ໃນສັງຄົມເຮົາ.
-
ການທຳຮ້າຍທາງເພດສ່ວນໃຫຍ່ ບໍ່ໄດ້ຖືກແຈ້ງຄວາມກັບຕຳຫຼວດ.
ຜົນກະທົບຈາກການທຳຮ້າຍທາງເພດ
ຄວາມຮຸນແຮງຕໍ່ມະນຸດດ້ວຍກັນ, ເຊັ່ນການທຳຮ້າຍທາງເພດ, ແມ່ນໜຶ່ງໃນເຫດການບອບຊ້ຳທີ່ສຸດ ທີ່ຄົນຜູ້ໜຶ່ງເພິງປະສົບ. ການຕອບຮັບຕໍ່ຄວາມຕ້ອງການອັນຮີບດ່ວນຂອງຜູ້ຮັບເຄາະ/ຜູ້ທີ່ລອດຊີວິດ ໂດຍການເຊື່ອເຂົາເຈົ້າແລະຮັບຮູ້ຢ່າງຈິງໃຈ, ຈະຊ່ວຍລົດຜ່ອນບໍ່ໃຫ້ມີການທຳລາຍຂຶ້ນຕື່ມ. ການສືບຕໍ່ອູ້ມຊູເຂົາເຈົ້າໃນລະຫວ່າງພັກຟື້ນກໍສຳຄັນເຊັ່ນດຽວກັນ; ແລະເປັນສິ່ງສຳຄັນທີ່ເຮົາຈະຕ້ອງອູ້ມຊູໃນແບບແລະໃນລະຍະເວລາທີ່ເຂົາເຈົ້າຕ້ອງການ.
ຖ້າທ່ານຕ້ອງການລາຍລະອຽດເພີ້ມເຕີມກ່ຽວກັບການອູ້ມຊູຜູ້ຮັບເຄາະ/ຜູ້ທີ່ລອດຊີວິດ ໃຫ້ເບິ່ງໜ້າ ທີ່ຂຽນວ່າ ຈະອູ້ມຊູໃຜຜູ້ໜຶ່ງທີ່ຖືກທຳຮ້າຍທາງເພດໄດ້ຢ່າງໃດ.
ຂ້ອຍຈະອູ້ມຊູໃຜຜູ້ໜຶ່ງທີ່ຖືກທຳຮ້າຍທາງເພດໄດ້ຢ່າງໃດ?
ການທຳຮ້າຍທາງເພດເກີດຂຶ້ນທົ່ວໄປ - ປະມານໜຶ່ງໃນຈຳນວນແມ່ຍິງຫ້າຄົນຖືກທຳຮ້າຍທາງເພດ. ມີສິ່ງທີ່ເປັນຮູບປະທຳທີ່ທ່ານສາມາດເຮັດໄດ້ເພື່ອຊ່ວຍເຫຼືອ.
ຂ້ອຍຈະອູ້ມຊູໃຜຜູ້ໜຶ່ງທີ່ຖືກທຳຮ້າຍທາງເພດໄດ້ຢ່າງໃດ?
Developed with: Victorian Centres Against Sexual Assault
