To leave this site quickly, click the Quick Exit button below. Learn more about Quick Exit button here. If you don’t want your browser history saved, please open incognito browsing mode. Learn more about incognito mode here.  In an emergency, call 000.

ການອູ້ມຊູຜູ້ຮັບເຄາະ/ຜູ້ທີ່ລອດຊີວິດ

ຂ້ອຍຈະອູ້ມຊູຄົນທີ່ປະສົບຄວາມຮຸນແຮງໃນບ້ານຫຼືໃນຄອບຄົວໄດ້ຢ່າງໃດ? ຄວາມຮຸນແຮງໃນບ້ານແລະໃນຄອບຄົວເປັນເຣື່ອງທີ່ເກີດຂຶ້ນທົ່ວໄປ - ແມ່ຍິງ ໜຶ່ງໃນສາມຄົນ ປະສົບຄວາມຮຸນແຮງໃນບ້ານຫຼືໃນຄອບຄົວໃນຊີວິດຂອງເຂົາເຈົ້າ. ມີບາງສິ່ງທີ່ທ່ານສາມາດເຮັດໄດ້ເພື່ອຊ່ວຍເຫຼືອ.

ຄວາມຮຸນແຮງໃນບ້ານແລະໃນຄອບຄົວ: ຄວາມປອດໄພຂອງເດັກ

ຄວາມຮຸນແຮງໃນບ້ານແລະໃນຄອບຄົວ: ຄວາມປອດໄພຂອງເດັກ

1800RESPECT

ຄວາມຮຸນແຮງໃນບ້ານແລະໃນຄອບຄົວ: ຄວາມປອດໄພຂອງເດັກ

ຂ້ອຍ​ຈະ​ສັງ​ເກດ​ຫ​ຍັງ​ແດ່?

ມີ​ ພຶດ​ຕິ​ກຳ​ແລະ​ເຄື່ອງ​ຫມາຍບາງ​ຢ່າງ​ທີ່​ເກີດ​ຂຶ້ນ​ທົ່ວໆ​ໄປ​ກັບ​ຄົນ​ທີ່​ປະ​ສົບ​ຄວາມ​ຮຸນ​ແຮງ​ໃນ​ບ້ານ​ແລະ​ໃນ​ຄອບ​ຄົວ.

ຜູ້​ທີ່​ປະ​ສົບ​ຄວາມ​ຮຸນ​ແຮງ​ໃນ​ບ້ານ​ແລະ​ໃນ​ຄອບ​ຄົວ​ອາດ​ຈະ:

  • ຢຸດ​ອອກ​ນອກເຮືອນ, ໂດຍບໍ່​ມີ​ເຫດ​ຜົນ​ຊັດ​ເຈນ, ເມື່ອ​ຖືກ​ຖາມ, ຈະ​ຕອບ​ວ່າ​ເຂົາ​ເຈົ້າ​ບໍ່​ຖືກ​ອະ​ນຸ​ຍາດ​ໃຫ້​ໄປ.

  • ມີທ່າ​ທາງກັງ​ວົນ, ກົດ​ດັນ, ອິດ​ເມື່ອຍ ຫຼື ນ້ຳ​ຕາ​ໄຫຼ​ໂດຍບໍ່​ມີ​ເຫດ​ຜົນ​ຊັດ​ເຈນ.

  • ມີ​ທ່າ​ທາງ​ງຽບຂຶມ, ລະ​ແວດ​ລະ​ວັງ, ເວົ້າ​ຕິ​ໂຕ​ເອງ ຫຼື ກະ​ລົກ​ກະ​ລົນ​ເມື່​ອ​ຢູ່​ໃກ້​ກັບ​ຄູ່​ຄອງ, ຫຼື​ຄູ່​ຄອງ​ສະ​ແດງ​ທ່າ​ທາງບໍ່​ສຸ​ພາບຫຼືຫ​ຍາບ​ຄາຍ​ຕໍ່​ເຂົາ​ເຈົ້າ.

  • ມີ​ ບາດ​ແຜຫຼື​ເຂົ້າ​ໂຮງ​ໝໍ​ເຊິ່ງ​ເຮັດ​ໃຫ້​ເປັນ​ຕາ​ສົງ​ໄສ.

  • ພະ​ຍາ​ຍາມ​ແກ້​ໂຕ​ກ່ຽວ​ກັບ​ການ​ເຄື່ອນ​ໄຫວຫຼື​ການ​ໃຊ້​ຈ່າຍ​ຂອງ​ຕົນ.

  • ກ່າວ​ວ່າ​ເຂົາ​ເຈົ້າ​ຖືກ​ຕິດ​ຕາມ, ​ຖືກເບິ່ງ, ​ຖືກຜົກ​ຈອບ ຫຼື ຖືກ​ຄວບຄຸມ.

ຖ້າ​ທ່ານ​ຢາກ​ຮູ້​ເພີ່ມ​ຕື່ມ ກະ​ຣຸ​ນາ​ອ່ານ ຄວາມ​ຮຸນ​ແຮງ​ໃນ​ບ້ານ​ແລະ​ໃນ​ຄອບ​ຄົວ​ແມ່ນ​ຫ​ຍັງ?

ການ​ຖາມ

ຜົນ​ສຸດ​ທ້າຍ ມີ​ຫົນ​ທາງດຽວ​ທີ່​ຈະ​ໝັ້ນ​ໃຈ​ວ່າ​ມັນ​ມີ​ບັນ​ຫາ​ແທ້ ກໍ ແມ່ນ​ໃຫ້​ຖາມ​ຄົນ​ຜູ້ນັ້ນ​ວ່າ​ກຳ​ລັງ​ເກີດ​ຫ​ຍັງ​ຂຶ້ນ.

ແນ່ນອນ, ອັນ​ນີ້ ອາດ​ເປັນ​ການ​ຍາກ.

ຄົນ​ໃນ​ຄອບ​ຄົວຫຼື​ໝູ່​ເພື່ອນ​ສາ​ມາດ​ຖາມ​ຄ​ຳ​ຖາມ​ທີ່​ກົງ​ໄປ​ກົງ​ມາແຕ່​ອ່ອນ​ໂຍນ​ເຊັ່ນ:

  • ທຸກ​ສິ່ງ​ທຸກ​ຢ່າງ​ຢູ່​ບ້ານ​ໂອ​ເຄ​ບໍ່?

  • ຂ້ອຍ​ສັງ​ເກດ​ເຫັນ​ຮອຍ​ຊ້ຳ, ແມ່ນ​ໃຜ​ເຮັດ​ໃຫ້​ເຈົ້າ​ເກີດ​ຮອຍ​ຊ້ຳ​ນັ້ນ?

  • ຂ້ອຍ​ຮູ້​ສຶກວ່າຄູ່​ຄອງ​ຂອງ​ເຈົ້າ​​ເຮັດ​ໃຫ້​ເຈົ້າ​ຢ້ານ​ກົວ, ທຸກ​ສິ່ງ​ທຸກ​ຢ່າງ   ​ໂອ​ເຄຢູ່​ບໍ?

  • ເຈົ້າ​ໂອ​ເຄ​ບໍ?

ຈົ່ງ​ເປີດ​ໃຈ​ໃນ​ການ​ຟັງ, ແລະ​ເປີດໂອ​ກາດ​ແກ່ໝູ່​ເພື່ອນຫຼື​ຄົນ​ທີ່​ທ່ານ​ຮັກ ​ໃຫ້​ເຂົາ​ເຈົ້າ​ໄດ້​ເວົ້າ​ໃນ​ທີ່ ​ທີ​່​ເປັນ​ສ່ວນ​ຕົ​ວ, ແຕ່ຢ່າ​ບີບ​ບັງ​ຄັບ, ຫຼື​ປະ​ຈັນ​ໜ້າ.  ການ​ບີບ​ບັງ​ຄັບ​ແລະ​ປະ​ຈັນ​ໜ້າ ຈະ​ເປັນ​ການ​ສ່ຽງ​ຕໍ່​ການ​ເຮັດ​ໃຫ້​ເພື່ອນຫຼື​ຄົນ​ທີ່​ທ່ານ​ຮັກ​ຍິ່ງ​ຕີ​ຕົວ​ອອກ​ຫ່າງ​ອອກ​ໄປ​ອີກ.

ຈະ​ເຮັດ​ຢ່າງ​ໃດ

ການ​ເວົ້າ​ເຖິງ​ການ​ຂົ່ມ​ເຫັງ​ຕ້ອງ​ໃຊ້​ຄວາມ​ກ້າ​ຫານ.  ຜູ້​ຮັບ​ເຄາະ/ຜູ້​ທີ່​ລອດ​ຊີ​ວິດ ຫຼາຍໆ​ຄົນ​ຢ້ານ​ວ່າ​ຄົນ​ຈະ​ບໍ່​ເຊື່ອ​ເຂົາ​ເຈົ້າ.  ເປັນ​ສິ່ງ​ສຳ​ຄັນ​ຫຼາຍ ທີ່​ທ່ານ​ຕ້ອງ​ເອົາ​ໃຈ​ໃສ່​ຄວາມ​ຢ້ານ​ກົວ​ຂອງ​ເຂົາ​ເຈົ້າ​ຢ່າງ​ຈິງ​ຈັງ ເມື່ອ​ມີ​ໃຜ​ຜູ້​ໜຶ່ງ​ເລົ່າ​ໃຫ້​ທ່ານ​ຟັງ​ວ່າ​ເຂົາ​ເຈົ້າ​ຖືກ​ຂົ່ມ​ເ​ຫັງ, ເຖິງ​ແມ່ນ​ວ່າ​ທ່ານ​ຈະ​ຄິດ​ວ່າ​ຄູ່​ຄອງ​ຫຼືອ​ະ​ດີດ​ຄູ່​ຄອງ​ຂອງ​ເຂົາ​ເຈົ້າ​ນັ້ນ​​ທ່າ​ທາງ​ມີ​ສະ​ເໜ່, ອ​່ອນ​ໂຍນ ຫຼື ເປັນ​ຄົນ​ໜ້າ​ຄົບ.  ຄົນ​ທີ່​ປະ​ພຶດ​ຮຸນ​ແຮງ​ໃນ​ບ້ານຫຼື​ໃນ​ຄອບ​ຄົວ​ອາດ​ມີ​ຄວາມ​ສາ​ມາດ​ເປັນ​ຢ່າງ​ດີ​ໃນ​ການ​ສະ​ແດງ​ຕົວ​ເອງ​ໃຫ້​ເປັນ​ໜ້າ​ເຊື່ອ​ຖື​ຕໍ່​ໜ້າ​ຄົນ​ທົ່ວ​ໄປ.  ອັນ​ນີ້ ອາດ​ແມ່ນ​ພາກ​ສ່ວນ​ໜຶ່ງ​ຂອງ​​ແບບຄວາມ​ປະ​ພຶດ​ທີ່​ຂົ່ມ​ເ​ຫັງ​ຄົນ​ອື່ນ.

ນີ້​ແມ່ນ​ວິ​ທີ​ການ​ບາງ​ຢ່າງ​ທີ່​ທ່ານ​ອາດ​ຊ່ວຍ​ຄົນ​ໃນ​ຄອບ​ຄົວຫຼື​ໝູ່​ເພື່ອນ​ໄດ້:

  • ເອົາ​ໃຈ​ໃສ່​ຄວາມ​ຢ້ານ​ກົວ​ຂອງ​ເຂົາ​ເຈົ້າ​ຢ່າງ​ຈິງ​ຈັງ

  • ຄວາມ​ຮຸນ​ແຮງບໍ່​ຖື​ວ່າ ໂອ​ເຄ ຈັກ​ເທື່ອ.  ຢ່າ​ຕ້ອງ​ຕິ​ຄົນ​ທີ່​ຖືກ​ຂົ່ມ​ເຫັງ​ແລະ​ຢ່າ​​​ ຢ່າຖືເບົາຄວາມຮັບຜິດຊອບຂອງຜູ້ຂົ່ມເຫັງທີ່ກະທຳການຂົ່ມເຫັງ

  • ມັນມີ​ສິ່ງ​ກີດ​ຂວາງ, ​ມີ​ທາງ​ເລືອກ​ທີ່​ຫ​ຍຸ້ງ​ຍາກ​ແລະ​ສ່ວນ​ຫຼາຍ​ຄວາມ​ຢ້ານ​ກົວ​ນັ້ນ​ກໍ​ອີງ​ໃສ່​ຄວາມ​ເປັນຈິງ​ແລະ​ມີ​​ຄວາ​ມ​ກັງ​ວົນຫຼາຍ​ຢ່າງ ເຂົ້າ​ມາ​ກ່ຽ​ວ​ຂ້ອງ​ໃນ​ການ​​ໜີອອກ​ຈາກ​ຄູ່​ຄອງ​ທີ່​ຮຸນ​ແຮງ - ​ເຊິ່ງຮວມ​ທັງ​ການ​ເຮັດ​ໃຫ້​ຄວາມ​ຮຸນ​ແຮງ​ເພີ່ມ​ທະ​ວີ​ຂຶ້ນ, ການ​ຂາດ​ທີ່​ຢູ່​ອາ​ສັຍ ແລະ ຄວາມ​ທຸກ​ຍາກ.  ຜູ້​ເຄາ​ະ​ຮ້າຍ/ຜູ້​ທີ່​ລອດ​ຊີ​ວິດ​ອາດ​ຍັງ​ບໍ່​ພ້ອມຫຼືບໍ່​ເປັນ​ການ​ປອດ​​ໄພ​ທີ່​ຈະ​ໜີ​ໄດ້​ໃນ​ຕອນນີ້.

  • ຈົ່ງຈຳ​ໄວ້​ວ່າ​ຄວາມ​ຮຸນ​ແຮງ​ໃນ​ບ້ານ​ແລະ​ໃນ​ຄອບ​ຄົວ​ກ່ຽວ​ຂ້ອງ​ກັບ​ເຣື່ອງ​ອື່ນ​ອີກຫຼາຍ​ເຣື່ອງ ບໍ່​ແມ່ນ​ມີ​ແຕ່​ພຽງ​ຄວາມ​ປະ​ພຶດ​ທີ່​ຂົ່ມ​ເຫັງ​ທາງ​ຮ່າງ​ກາຍ​ເທົ່າ​ນັ້ນ.  ຜູ້​ກະ​ທຳ​ການ​ຂົ່ມ​ເ​ຫັງ​ຈະ​ເລັງ​ເປົ້າ​ໃສ່​ການ​ທຳ​ລາຍ​ຄວາມໝັ້ນ​ໃຈ ໂດຍ​ໃຊ້​ຄຳ​ເວົ້າ​ທີ່ດູ​ໝິ່ນ​ຢຽດ​ຫ​ຍາມແລະ​​ທຳ​ລາຍຈິດ​ໃຈ ແລະ ພະ​ຍາ​ຍາມ​ທີ່​ຈະ ‘ບັ່ນ​ທອນ’ ​ຄົນ​ທີ່​ເຂົາ​ຂົ່ມ​ເ​ຫັງ.  ໃຫ້​ ຮັບ​ຮູ້​ຄວາມ​ເຂັ້ມ​ແຂງ​ແລະ​ຄວາມ​ຜ່ອນ​ສັ້ນ​ຜ່ອນ​ຍາວ​ຂອງ​ເຂົາ​ເຈົ້າ ທີ່​ເຮັດ​ໃຫ້​ເຂົາ​ເຈົ້າ​ແລະ​ລູກໆ​ຢູ່​ໃນ​ຄວາມ​ປອດ​​ໄພ.

  • ໃຫ້​ຊ່ວຍ​ຊອກ​ຫາ​ທາງ​ເລືອກ​ທີ່​ຈະ​ຢູ່​ໄດ້ຢ່າງ​ປອດໄ​ພ ບໍ່​ວ່າ​ຈະ​​ໄປຫຼື​ຈະ​ຢູ່​ກັບ​ຜ​ູ້​ທິ່​ຂົ່ມ​ເ​ຫັງ​ເຂົາ​ເຈົ້າ. ໃຫ້​ເບິ່ງ​ໜ້າ​ ທີ່​ເວົ້າ​ເຖິງ​ການ​ຂຶ້ນ​ແຜນ​ຄວາມ​ປອດ​​ໄພ.

  • ໃຫ້​ຊ່ວຍ​ແບບ​ຕົວ​ຈິງ - ຊ່ວຍ​ດ້ານ ການ​ເດີນ​ທາງ, ພາໄປວຽກນັດໝາຍ, ເບິ່ງ​ລູກ​ໃຫ້, ຫຼື​ຫາ​ບ່ອນ​ໃຫ້​ເຂົາ​ເຈົ້າໄປ​ລີ້​​ໄພ.  ​ໃຫ້​ຊອກ​ຫາ​ຂໍ້​ມູນ​ກ່ຽວ​ກັບ​ບໍ​ລິ​ການ​ດ້ານ​ການ​ຂົ່ມ​ເຫັງ​ໃນ​ບ້ານ​ແລະ​ໃນ​ຄອບ​ຄົວ​ແລະ​ໃຫ້​ການ​ຊ່ວຍ​ເຫຼືອ​ໂດຍ​ການ​ເຮັດ​ນັດ​ໝາຍ​ໃຫ້.

  • ເປັນ​ພະ​ຍານຜົນ​ກະ​ທົບຈາກ​ຄວາມ​ຮຸນ​ແຮງ​ທີ່​ເກີດ​ຂຶ້ນ​ຕໍ່​ຄອບ​ຄົວ​ທັງ​ໝົດ.  ​ຖ້າ​ມີ​ເດັກ​ນ້ອຍ​ກ່ຽວ​ຂ້ອງ, ໃຫ້​ສະ​ແດງ​ອອກ​ເຖ​ິງ​ຄວາມ​ເປັນ​ຫ່ວງ​ແລະ​ອູ້ມ​ຊູ​ແລະ​ຊອກ​ຫາ​ຄວາມ​ຊ່ວຍ​ເຫຼືອ​ທີ່​ເໝາະ​ສົມ​ໃຫ້​ໂດຍ​ຜ່ານ​ບໍ​ລິ​ການ​ເດັກ​ນ້ອຍຫຼື​ຄອບ​ຄົວ​ໃນ​ເຂດ​ຂອງ​ທ່ານ [links].

  • ໃຫ້​ເວົ້າ​ເຖິງ​ໝາຍ​ສັ່ງປົກ​ປ້ອງ​ຈາກ​ສານ​ໃນ​​ລັດ/ເຂດ​ພູ​ມິ​ພາກ​ຂອງ​ທ່ານ.

ຈົ່ງ​ຈຳ​ໄວ້​ວ່າ, ຄວາມ​ຮຸນ​ແຮງ​ໃນ​ບ້ານ​ແລະ​ໃນ​ຄອ​ບ​ຄົວ​ອາດ​ເປັນ​ອັນ​ຕະ​ຣາຍ.  ໃຫ້​ໂທ 000 ຖ້າ​ຄົນ​ໃນ​ຄອບ​ຄົວ, ໝູ່​ເພື່ອນຫຼື​ລູກ​ຂອງ​ເຂົາ​ເຈົ້າ​ກຳ​ລັງ​ຖືກ​ທຳ​ຮ້າຍ, ຫຼື​ຖ້າ​ທ່ານ​ຢ້ານ​ວ່າ​ເຂົາ​ເຈົ້າ​ກຳ​ລັງ​ຈະ​ຖືກ​ທ​ຳ​ຮ້າຍ.

ຖ້າ​ທ່ານ​ຢາກ​ຮູ້​ເພີ່ມ​ເຕີມ​ກ່ຽວ​ກັບ ວ່າ​ທ່ານ​ຈະ​ຊ່ວຍ​ໄດ້​ຢ່າງ​ໃດ:

ໃນ​ກໍ​ຣະ​ນີ​ທີ່​ມີ​ອັນ​ຕະ​ຣາຍຮີບ​ດ່ວນ​ໃຫ້​ໂທ 000 ເພື່ອ​ຂໍ​ຄວາມ​ຊ່ວຍ​ເຫຼືອ​ຈາກ ​ຕຳ​ຣວດ

ຖ້າ​ທ່ານ​ຢາກ​ໂທ​ສາຍ​ດ່ວນ​ໂດຍ​ໃຊ້ TTY ຫຼື​ບໍ​ລິ​ການ​ໂທ​ສົ່ງ​ຕໍ່ແຫ່ງ​ຊາດ, ໃຫ້​ເຂົ້າ​ໄປ​ເບິ່ງ: Calls to emergency services

 

ການທຳຮ້າຍທາງເພດແມ່ນຫຍັງ?

ການເຂົ້າໃຈວ່າການທຳຮ້າຍທາງເພດແມ່ນ ຫຍັງ ຊ່ວຍໃຫ້ເຮົາຕອບໂຕ້ກັບມັນໄດ້.

 ການທຳຮ້າຍທາງເພດແມ່ນຫຍັງ?

 

Developed with: Domestic Violence Resource Centre Victoria