To leave this site quickly, click the Quick Exit button below. Learn more about Quick Exit button here. If you don’t want your browser history saved, please open incognito browsing mode. Learn more about incognito mode here.  In an emergency, call 000.

ພາສາລາວ - 1800ແຣສເປັກ (1800RESPECT) ແມ່ນຫຍັງ?

ການ​ໂຕ້​ຕອບ​ຕໍ່​ຄວາມ​ຮຸນ​ແຮງ​ແລະ​ການ​ຂົ່ມ​ເຫັງ​ແມ່ນ​ໜ້າທີ່​ຮັບ​ຜິດ​ຊອບ​ຂອງ​ທຸກ​ຄົນ. 1800RESPECT (1800ແຣ​ສ​ເປັກ​) ແມ່ນ​ບໍ​ລິ​ການ​​ແຫ່ງ​ຊາດກ່ຽວ​ກັບ​ການ​ທຳ​​ຮ້າຍ​ທາງ​ເພດ, 1800RESPECT ມີ​ຂຶ້ນ​ເພື່ອ​ຜູ້​​ຮັບເຄາ​ະ/ຜູ້​ລອດ​ຊີ​ວິດ, ຄອບ​ຄົວ​ແລະ​ໝູ່​ເພື່ອນ​ແລະ​ພະ​ນັກ​ງານ.  ເຮົາ​ໃຫ້​ບໍ​ລິ​ການ​ດ້ານ​ໃຫ້​ການ​ປຶກ​ສາ​ທາງ​ໂທ​ລະ​ສັບ, ທາງ​ອອນ​ລາຍ​ແລະ​ເວັບ​ໄຊ​ທ໌​ຂອງ​ພວ​ກ​ເຮົາ​ມີ​ຂໍ້​ມູນ, ຄຳ​ແນະ​ນຳ​ແລະ​ສົ່ງ​ຕໍ່​ໄປ​​ຫາ​ບໍ​ລິ​ການ​ທ​ອງ​ຖິ່ນ​ຕ່າງໆ.  ທ່ານ​ສາ​ມາດ​​ໃຊ້​ສິ່ງ​ເຫຼົ່າ​ນີ້​ໂດຍ​ຜ່ານ​ເວັບ​ໄຊ​ທ໌ນີ້ ຫຼື​ໂດຍ​ໂທ​ລະ​ສັບ​ 1800 737 732.

1800RESPECT ​ຖື​ເປັນ​ພາ​ຣະໃນ​ການ​ຮັກ​ສາ​ໄວ້​ເຊິ່ງ​ສິດ​ທິ​ຂອງ​ຄົນ​ອອ​ສ​ເຕ​ຣ​ລຽນ​ທຸ​ກ​ຄົນ​ໃຫ້ໄດ້​ຢູ່​ໃນ​ສັງ​ຄົມ​ທີ່​ປາ​ສ​ຈາກ​ຄວາມ​ຮຸ​ນ​ແຮງ.  ຖ້າ​ທ່ານ​​ໄດ້​ປະ​ສົບຫຼື​ສ່ຽງ​ຕໍ່​ການ​ຖືກ​ທຳ​ຮ້າຍ​ທາງ​ເພດຫຼື​ຄວາມ​ຮຸນ​ແຮງພາຍ​ໃນ​ບ້ານຫຼື​ໃນ​ຄອບ​ຄົວ ​ເຮົາ​ຊ່ວຍ​ທ່ານ​ໄດ້.  ນອກນີ້ ເຮົາ​ກໍ​ຍັງ​ສາ​ມາດ​ຊ່ວຍ​ໄດ້ ຖ້າ​ທ່ານ​ເປັນ​ຜູ້​ອູ້ມ​ຊູ​ຜູ້​ຖືກ​ເຄາະ​ຮ້າຍ/ຜູ້​ລອດ​ຊີ​ວິດ ຫຼື ເຮັດ​ວຽກ​ໃນ​ຂ​​ະແໜງນີ້.

ຂໍ​ຄວາມ​ຊ່ວຍ​ເຫຼືອ

1800RESPECT ມີ​ຜູ້​ໃຫ້​ຄຳ​ປຶກ​ສາ​ດ້ານ​ຈິດ​ໃຈ​ທາງ​ໂທ​ລະ​ສັບ​ແລະ​ທາງ​ອອນ​ລາຍ ເຊິ່ງ​ເຂົາ​ເຈົ້າ​ຢູ່​ທີ່ນັ້ນ​ກໍ​ເພື່ອ​ຄອຍ​ຊ່ວຍ​ເຫຼືອ​ທ່ານ.  ຜູ້​ໃຫ້​ຄຳ​ປຶກ​ສາ​ສາ​ມາດ​ຊ່ວຍ​ໃນ​ເຣື່ອງ​ຕ່າງໆ​ເຊັ່ນ:

  • ໃຫ້​ຂໍ້​ມູນ​ແລະ​ອູ້ມ​ຊູ,

  • ສົ່ງ​ຕໍ່​ໄປ​ຫາ​ບໍ​ລິ​ການ​ໃດ​ໜຶ່ງ​,

  • ໃຫ້​ຄຳ​ແນະ​ນຳ​ແລະ​ຊ່ວຍ​ເຫຼືອ​ວ່າ​ຈະ​ເຮັດ​ຢ່າງ​ໃດ​ຕໍ່​ໄປ, ແລະ

  • ພາ​ເຮັດ​ແຜນ​ການ​ຄວາມ​ປອດ​ໄພ.

ການ​ເອົາ​ຂໍ້​ມູນ

ນອກນີ້ ເວັບ​ໄຊ​ທ໌​ຂອງ 1800RESPECT ຍັງ​ມີ​ຂໍ້​ມູນ​ທີ່​ແຈ້ງດີ​ແລະ​ເຂົ້າ​ຈຸດ​ໂດຍ​ກົງ.  ​ເວັບ​ໄຊ​ທ໌ນີ້​ບັນ​ຈຸ​ຂໍ້​ມູນ​ທີ່​ຈະ​ຊ່ວຍ​ທ່ານ​ໃຫ້​ຮູ​້​ເຖິງ ເຄື່ອງຫມາຍຕ່າງໆ​ທີ່ສະ​ແດງວ່າ​ເປັນ​ການ​ຂົ່ມ​ເຫງ​ແລະຄວາມ​ຮຸນ​ແຮງ, ຂຶ້ນ​ແຜນ​ການ​ຄວາມ​ປອດ​ໄພ​ແລະ​ຮູ້​ຈັກ​​ຊອກຫາ​ບໍ​ລິ​ການ​ອູ້ມ​ຊູ.

ຂໍ້​ມູນ​ແລະ​ການ​ອູ້ມ​ຊູ​ສຳ​ລັບ​ຄອບ​ຄົວ​ແລະ​ໝູ່​ເພື່ອນ

ສະ​ມາ​ຊິກ​ຄອບ​ຄົວ​ແລະ​ໝູ່​ເພື່ອນ​ສາ​ມາດ​ໃຊ້ 1800RESPECT ໄດ້. ຖ້າ​ທ່ານ​ກັງ​ວົນ​ກ່ຽວ​ກັບ​ຄົນ​ທີ່​ທ່ານ​ຮັກ, ລູກ​ຫຼື​ເພື່ອນ​ຮ່ວມ​ງານ, 1800RESPECT ສາ​ມາດ​ຊ່ວຍ​ໄດ້.  ເມື່ອ​ມີ​ໃຜ​ຜູ້​ໜຶ່ງ​ບອກ​ທ່ານ​ວ່າ​ເຂົາ​ເຈົ້າ​ໄດ້​ປະ​ສົບ​ຄວາມ​ຮຸນ​ແຮງ​ໃນ​ບ້ານຫຼື​ໃນ​ຄອບ​ຄົວຫຼື​ຖືກ​ທຳ​ຮ້າຍ​ທາງ​ເພດ ທ່ານ​ອາດ​ຈະ​ຕົກ​ໃຈ​ຈົນ​ຊ​ອັກ, ແລະ​ ທ່ານ​ອາດບໍ່​ແນ່​ໃຈ​ວ່າ​ຈະ​ເວົ້າ​ຫ​ຍັງຫຼື​ຈະ​ເຮັດ​ຫ​ຍັງ.  1800RESPECT ໃຫ້​ຂໍ້​ມູນ​ແລະ​ແຫຼ່ງ​ຊ່ວຍ​ເຫຼືອຕ່າງໆ​ເພື່ອ​ວ່າ​ຄອບ​ຄົວ​ແລະ​ໝູ່​ເພື່ອນ​ຈະ​ສາ​ມາດ​ໃຫ້​ການ​ອູ້ມ​ຊູ​ໄດ້.  ຄອບ​​ຄົວແລະ​ໝູ່​ເພື່ອນ​ສາ​ມາດ​ໂທ​ລະ​ສັບ​ຫາ​ຜູ້​ໃຫ້​ຄຳ​ປຶກ​ສາ​ແລະ​ໂອ້​ລົມ​ເຖິງ​ສະ​ພາບ​ການ​ຂອງ​ຕົນ, ຖາມ​ຄຳ​ຖາມ​ຕ່າງໆ ແລະ ຂໍ​ຂໍ້​ມູນ​ເພີ່ມ​ຕື່ມ. ເວັບ​ໄຊ​ທ໌ນີ້​ມີ​ຂໍ້​ມູນ​ກ່ຽວ​ກັບ​​ບໍ​ລິ​ການ​​ຕ່າງໆສຳ​ລັບ​ຄົນ​ໃດ​ກໍ​ຕາມ​ທີ່​ປະ​ສົບ​ຄວາມ​ຮຸນ​ແຮງ​ໃນ​ບ້ານຫຼື​ໃນ​ຄອບ​ຄົວ, ຫຼື​ຖືກ​ທຳ​ຮ້າຍ​ທາງ​ເພດ, ແລະ ມີ​ ຕາ​ໜ່າງ​ເຊື່ອມ​ຕໍ່​ສຳ​ລັບ​ຕອບ​ຄຳ​ຖາມ​ທີ່​ຄົນ​ມັກ​ຖາມ​ເລື້ອຍໆ​ແລະ​ບໍ​ລິ​ການ​ຕ່າງໆ​ໃນ​ແຕ່​ລະ​ລັດ.  ນອກນີ້ ກໍ​ຍັງ​ມີ​ຂໍ້​ມູນບອກ​ວິ​ທີ​ຂຶ້ນ​ແຜນ​ການ​ຄວາມ​ປອດ​ໄພ.  ການ​ອູ້ມ​ຊູ​ຄົນ​ອື່ນ​ອາດ​ເຮັດ​ໃຫ້​ເກີດ​ຄວາມ​ກົດ​ດັນ, ແລະ​ຜົນ​ກະ​ທົບ​ອາດເປັນ​ເວ​ລາ​ຍາວ   ນ​ານ. 1800RESPECT  ຢູ່​ນີ້​ເພື່ອ​ອູ້ມ​ຊູ​ຄອບ​ຄົວ​ແລະ​ໝູ່​ເພື່ອນ​ແລະ​ຜູ້​ຮັບເຄາະ/ຜູ້​ລອດ​ຊີ​ວິດ.

ຂໍ້​ມູນ​ແລະ​ການ​ອູ້ມ​ຊູ​ສຳ​ລັບ​ພະ​ນັກ​ງານ​ແລະ​ຜູ້​ຊ່ຽວ​ຊານ

ມີ​ພາກ​ສ່ວນໜຶ່ງ​ໃນ​ເວັບ​ໄຊ​ທ໌ ທີ່​ຂຽນ​ໄວ້​ເປັນ​ພິ​ເສດ​ສຳ​ລັບ​ພະ​ນັກ​ງານ​ແລະ​ຜູ້​ຊ່ຽວ​ຊານ.  ມີ​ຂໍ້​ມູນ​ກ່ຽວ​ກັ​ບ​ຄວາມ​ຮຸນ​ແຮງ​ໃນ​ຄອບ​ຄົວ​ແລະ​ໃນ​ບ້ານ, ຂໍ້​ມູນ​ກ່ຽວ​ກັບ​ການ​ທຳ​ຮ້າຍ​ທາງ​ເພດ, ຂໍ້​ມູນ​ກ່ຽວ​ກັບ​ການ​ບັງ​ຄັບ​ໃຫ້​ແຈ້ງ​ແລະ​ ຄວາມ​ສະ​ເທືອນ​ໃຈ ທີ່​ເກີດ​ຈາກວຽກ.

ບາງ​ລັດ​ແລະ​ເຂດ​ພູ​ມິ​ພາກ​ອອກ​ກົດ​ໝາຍ​ບັງ​ຄັບ​ໃຫ້​ ແຈ້ງ​ເມື່ອ​ມີ​ເຫດ​ການ​ຮຸນ​ແຮງ​ໃນ​ບ້ານ​ແລະ​ໃນ​ຄອບ​ຄົວ.  ທຸກໆ​ລັດ​ແລະ​ເຂດ​ພູ​ມິ​ພາກ​ບັງ​ຄັບ​ໃຫ້​ຕ້ອງ​ແຈ້ງ​ຖ້າ​ເດັກ​ນ້ອຍ​ຖືກ​ທຳ​ຮ້າຍ​ທາງ​ເພດ, ຖືກ​ຂົ່ມ​ເຫງຫຼື​ປ່ອຍ​ປະ​ລະ​ເລີຍ​ທາງ​ຮ່າງ​ກາຍ.  ເວັບ​ໄຊ​ທ໌ນີ້​ມີ​ຂໍ້​ມູນ​ຊ່ວຍ​ໃຫ້​ພະ​ນັກ​ງານ​ເຂົ້າ​ໃຈ​ວ່າ​ເມື່ອ​ໃດ​ທີ່​ເຂົາ​ເຈົ້າ​ຕ້ອງ​ແຈ້ງ​ຕຳ​ຣວດ​ແລະ/ຫຼື ແຈ້ງບໍ​ລິ​ການ​ປ້ອງ​ກັນ​ເດັກ, ການ​ຊ່ວຍ​ເຫຼືອ​ຄົນ​ອື່ນ​ອາດ​ຈະ​ເປັນ​ວຽກ​ທີ່​ສ້າງ​ຄວາມ​ພູມ​ໃຈ, ແຕ່​ມັນ​ກໍ​ອາດ​ເຮັດ​ໃຫ້​ອິດ​ເມື່ອຍ​ໃຈ​ໄດ້.  ເປັນ​ວຽກ​ທີ່​ຕ້ອງ​ການ​ຄວາມ​ເຂົ້າ​ໃຈ​ແລະ​ເຫັນ​ອົກ​ເຫັນ​ໃຈ.  ພະ​ນ​ັກ​ງານ​ແລະ​ຊ່ຽວ​ຊານ​ທີ່​ເຮັດ​ວຽກ​ຢູ່​ຊັ້ນ​ແນວ​ໜ້າ​ ທີ່​ເຫັນ​ຜົນ​ກະ​ທົບ​ຈາກຄົນ​ທີ່​ໄດ້​ຮັບ​ຄວາມ​ສະ​ເທ​ືອນ​ໃຈ ຢູ່​ຕ​ລອດ​ເວ​ລາ ນັ້ນ ຜູ້​ຊ່ວຍ​ເຫຼືອ​ເອງ​ອາ​ດ​ມີ​ຜົນ​ກະ​ທົບ​ຈາກວຽກ​ເປັນ​ບາງ​ຄັ້ງ​ບາງ​ຄາວ​ໄດ້.  ພະ​ນັກ​ງານ​ສາ​ມາດ​ຂໍ​ໃຊ້​​ສາຍ ​ໃຫ້​ຄຳ​ປຶກ​ສາ​ທາງ​ຈິດ​ໃຈ​ຂອງ 1800RESPECT ເພື່ອ​ຂໍ​ການ​ອູ້ມ​ຊູໄດ້.

ຈະ​ຕິດ​ຕໍ່​ໄດ້​ຢ່​າງ​ໃດ

ທ່ານ​ສາ​ມາດ​ໃຊ້ 1800RESPECT ໄດ້ຫຼາຍ​ວິ​ທີ.  ໃຊ້​ບໍ​ລິ​ການ​ໂທ​ຣະ​ສັບ​ໂດຍ​ໂທ ເລກ 1800 737 732 (ມີ​ນາຍ​ພາ​ສາ​ໄວ້​ໃຫ້).  ເຂົ້າ​ໄປທີ່ National Relay Service ເພື່ອ​ໃຊ້​ບໍ​ລິ​ການ​ອື່ນໆ.

ອາດ​ເປັນ​ໄປ​ໄດ້​ວ່າ​ການ​ໃຊ້​ບໍ​ລິ​ການ​ໃຫ້​ຄຳ​ປຶກ​ສາ​ທາງ​ອອນ​ລາຍ ປອດ​ໄພ​ກວ່າ​ສຳ​ລັບ​ທ່ານ.  ໃຊ້​ບໍ​ລິ​ການ​ໃຫ້​ຄຳ​ປຶກ​ສາ​ທາງ​ອອນ​ລາຍ​ໂດຍ​ເຂົ້າ​ໄປ​ໜ້າ​ທຳ​ອິດ​ຂອງ 1800RESPECT.  ການ​ໃຫ້​ຄຳ​ປຶກ​ສາ​ທາງ​ ສາຍ​ສື່​ສານ ແມ່ນ​ມີ​ຄົນ​ແທ້​ເວົ້າ​ນຳ.  ຜູ້​ໃຫ້​ຄຳ​ປຶກ​ສາ​ຈະ​ເວົ້າ​ລົມ​ກັບ​ທ່ານ​ໂດຍ​ກົງ.  ຖ້າ​ຈະ​ໃຊ້ 1800RESPECT ທາງ​ອອນ​ລາຍ ໃຫ້ມອດ ‘ກົນໄກກີດກັ້ນ-ສີ່ງທີ່ປະກົດຂື້ນໃນຫນ້າຈໍ (‘pop-up blocking’) ຢູ່​ໃນ​ບ​ຣາວ​ເຊີ​ຂອງ​ເວັບ​ຂອງ​ທ່​ານ.  ທ່ານ​ຕ້ອງ​ມີ​ສາຍ​ອິນ​ເຕີ​ແນັດ​ທີ່​ໃຊ້​ໄດ້ດີບໍ່​ຂາດ​ຕອນ.

ຖ້າ​ທ່ານ​ປະ​ສົງ​ຢາກ​ພົບ​ຜູ້​ໃຫ້​ຄຳ​ປຶກ​ສາ​ແບບຊ້ອງ​ໜ້າຫຼື​ແບບ​ລົມ​ກັນ​ທາງ​ໂທ​ຣະ​ສັບ ທ່ານ​ກໍ​ສາ​ມາດ​ຂໍ​ໄດ້​ໂດຍ​ຜ່ານ​ເວັບ​ໄຊ​ທ໌ນີ້.

ຖ້າ​ຢາກ​ໃຊ້​ເວັບ​ໄຊ​ທ໌​ໃຫ້​ເຂົ້າ​ໄປ​ທີ່ 1800RESPECT

 

ໃນ​ກໍ​ຣະ​ນີ​ອັນ​ຕະ​ຣາຍ​ຮີບ​ດ່ວນ ໃຫ້​ໂທ 000 ເພື່ອ​ຂໍ​ຄວາມ​ຊ່ວຍ​ເຫຼືອ​ຈາກ​ ຕຳ​ຫຼວດ.

ຖ້າ​ທ່ານ​ຢາກ​ໂທ​ສາຍ​ດ່ວນ​ໂດຍ​ໃຊ້ TTY ຫຼື​ບໍ​ລິ​ການ​ໂທ​ສົ່ງ​ຕໍ່ແຫ່ງ​ຊາດ, ໃຫ້​ເຂົ້າ​ໄປ​ເບິ່ງ: Calls to emergency services

 

ການໃຊ້ບໍລິການໃຫ້ຄຳປຶກສາທາງໂທລະສັບໂດຍມີນາຍພາສາຈາກ TIS

ພະ​ແນກ​ແປ​ເອ​ກະ​ສານ​ແລະ​ພາ​ສາ​ທາງ​ໂທ​ລະ​ສັບ​ແບບ 24/7 (TIS ແຫ່ງ​ຊາດ) ມີ​ໄວ້​ໃຫ້​ໃຊ້​ຟ​ຣີສຳ​ລັບ​ທຸກໆ​ຄົນ​ທີ່​ຢາກ​ຕິດ​ຕໍ່​ຫາ 1800RESPECT. ເພື່ອ​ຂໍ​ນາຍ​ພາ​ສ​າ: ໂທຫາ 1800RESPECT ທີ່​ເລກໂທ 1800 737 732 ແລະ​ຂໍ​ເອົາ​ນາຍ​ພາ​ສາ. ຜູ້​ໃຫ້​ຄຳ​ປຶກ​ສາ​ຈະ​ຕິດ​ຕໍ່​ຂໍ​ນາຍ​ພາ​ສາ​ໃຫ້, ຫຼ​ື ໂທ​ຫາ ​ບໍ​ລິ​ການ​ແປ​ພາ​ສາ​ທາງ​ໂທ​ຣະ​ສັບ (TIS) 131 450 ແລະ​ຂໍ​ໃຫ້​ເຂົາ​ເຈົ້າ​ຕິດ​ຕໍ່ 1800RESPECT ໃຫ້.

 TIS 

 

ກ່ຽວກັບຄວາມຮຸນແຮງໃນບ້ານແລະໃນຄອບຄົວ

ຄວາມຮຸນແຮງໃນບ້ານແລະໃນຄອບຄົວແມ່ນຫຍັງ? ການເຂົ້າໃຈເຣື່ອງຄວາມຮຸນແຮງໃນບ້ານແລະໃນ ຄອບຄົວສາມາດຊ່ວຍໃຫ້ທ່ານສາມາດຕອບໂຕ້ກັບມັນໄດ້.

 ກ່ຽວກັບຄວາມຮຸນແຮງໃນບ້ານແລະໃນຄອບຄົວ

 

Developed with: Ethnic Child Care, Family and Community Services Co-operative